الأحد، 8 مارس 2009

يوم ما المصرى يتكلم

مسلم ولا مسيحى
بحراوى ولا صعيدى
أهلاوى أو لامؤاخذة زملكاوى
المهم إنك فى النهاية مصراوى
بتشرب من ميه النيل
وبتتمشى ساعة الاصيل
بتاخد رشوة او بتدفعها
انت واسطة او بتسعلها
راكب كريسلر ولا مشعبط
حالك منظم ولا متلخبط
مزاجك فل ولا متعكنن
وربى للحق يتمكن
ويرجع تانى ويأذن
وتعود الفرحة تتبسم
ويومها الظلم يتألم
بس يوم ما المصرى يتكلم

ليست هناك تعليقات:

إرسال تعليق