وداعا يادار الشقاء

عائد إلى أرض الكنانة ولست أدرى
بحال الاقدار هناك فهناك عذبتنى
عذبتنى بغربة ضاع فيها عمرى
لاجنى الفتات من لقمة عيشى

فقد أدمتنى غربتى حتى توقف فلبى

توقف ولم ابلغ الثلاثين من عمرى
غربة ببلد الحبيب محمد رسول ربى
والله غربة وكربة فصارت تربتى
لم اجد كفنا وبحر احمر الاسم كان تربتى
رحماك ربى تائه أنا حتى فى موتى
لم اجد من يشيعينى يكفننى وفى اللحد يسكننى
لقمة عيش ذليل لها وبلدى لم تكن يوما سندى
من بلد الى بلد اجول والشقاء كان دربى
فلم اجد ذليل فى الدنيا سواك يابن بلدى
وداعا يادار الشقاء لقد نلت من الالام مايكفينى
وخط الشيب راسى يوم مولدى

خلص صبرى

عايشين ومش عايشين
بس المهم ان احنا راضيين
طوابير وزحمة وشوارع مكسرة
اتوبيسات وعربيات مهكعه
كل يوم طعميه وفول
والرصيد نفذ من المحمول
ومهيه فى بداية الشهر بتخلص
وانا روحى خلاص هتخلص
علمونى انها فى خاطرى
وخاطرى خلص منه صبرى
بطالة فى كل مكان محاوطنا
والواسطة هى بر امنا

والزمن معدش زمنا

وايام عايشينها وبنقضيها

ونهايتى انا مستنيها

فوضى

استيقظت من النوم على صوت السيارات المارة فى الطريق وزمجرة المارة منهم وضحكات تعقبها اهات والام لم تكن تدرك ان الكابوس اضحى واقعا ..................................................حينما تحكم الفوضى

يوم ما المصرى يتكلم

مسلم ولا مسيحى
بحراوى ولا صعيدى
أهلاوى أو لامؤاخذة زملكاوى
المهم إنك فى النهاية مصراوى
بتشرب من ميه النيل
وبتتمشى ساعة الاصيل
بتاخد رشوة او بتدفعها
انت واسطة او بتسعلها
راكب كريسلر ولا مشعبط
حالك منظم ولا متلخبط
مزاجك فل ولا متعكنن
وربى للحق يتمكن
ويرجع تانى ويأذن
وتعود الفرحة تتبسم
ويومها الظلم يتألم
بس يوم ما المصرى يتكلم

مش بلد أبونا

وتسكت ليه على حقك
وتسكت ليه ولا همك
وتغمض ولا تشوف عينيك
الغلط اللى ملا غيرك
وتقول هى بلد أبونا
هنطبطر على عيشة اللى خلفونا
ماهى حلوة ومستورين
وإحنا أحسن من غيرنا كتير
يخصوصها ييبعوها
يزينوها او ينهبوها
ماهى مش بلد أبونا

المنصورة زماااان

بقت محتله

يحكوا مهما يحكوا
يقولوا زى ما يقولوا
هيضحوا بينا يعنى هيضحوا بينا
ارض العراق ومن قبلها فلسطين
والنهارده على السودان حايمين
يقولوا درافور وجرائم انسانيه

كله كدب ومعروف ايه النيه
سلامى لكل الشعوب العربيه
تحياتى للامة الاسلاميه
وبكرة هنسمع عن السودان انها بقت محتله
واحنا زى ماحنا ناكل الطعميه

هى دى القصة ياعمة

ليه الحال مايتغيرش
ليه الوضع مايتحسنش
وكل ماحاول اعرف السبب مبعرفش
هو العيب فينا ولا فى مين
يكونوش الناس التانين
سلطه وجاه وفلوس
وانا لسه حالى متعوس
كل ماقول يلا نغير
الاقى الكل منى بيسخر
هتغير شعب ولا حكومة
الكل يضحك عليا ويقولى ياصغنونة
كان غيرك أشطر يابتاع المنصورة
هى دى القصة ياعمة
والتغيير ملوش فى قلوب الناس نيه

زحمة المواصلات

فى زحمة المواصلات
وصوت الكلاكسات
والاجرة خد وهات
وزنقة الستات والبنات
والشباب على الكراسى قاعدين
وسايبن البنات والستات واقفين
وهما عاملين مش شايفين ومطنشين
والباقى بيحكوا فى دى ودى وفرحانين
طبعا مش الكل كدا
بس ماننكرش انى فى شباب كدا

بلاد............

ويستفتونك فى الحرية قل هى اضغاث احلام عند شباب......كابوس يؤرق نوم سلاطين وملوك وامراء ورؤساء كل ...اذا ماسالت عن صناديق الانتخابات ردوا عليك بقولهم ماهى الا صناديق بها الورق مجهوله متونها وفحواها معلومة منتهاها بانها تايد حكم روؤساء وملوك ...وان سالت عن الطوابير والزحمة وضيق العيش لن تجده الا فى بلاد.... اظن عرفتوا هى بلاد مين

الاختيارات:- (الحرب -الكرب -العرب-الغرب)
ملحوظة :- الاختيارات كلها سليمة عدا واحده.

هى دى مصر

عندى صاحب مصرى
اهلاوى متعصب اصلى
اذن علينا الاذان واحنا واقفين
سمعته بيتمتم بكلام ويدعى
والخشوع والرجاء على وشه يسرى
لقيته بعد الدعاء سبنى وطلع يجرى
قلت فى عقل بالى اكيد راح يصلى
بس للاسف خاب فكرى وظنى
اتارى الدعاء كله علشان الاهلى
والرجاء علشان ياخد الدورى
هى دى مصر
هى دى مصر

الضريبة

تبدا فصول المسرحية بان يتزوج الشاب منا بعدما انتهت صلاحيته وجار عليه الزمان باقداره واحواله وافعاله التى قلما يصمد امامها الكثيرون وينتهى نصاب المعركة بفقدان العشر سنوات الاولى بعد العشرين متخبطا تتلاعب به الاقدار وتتقذافه الظروف او يسير فى درب محدد قد خطه له والداه فهو اما متخبط واما تابع اما من تخطى الاختيارين فهو مغضوب عليه فى بادىء الامر فاذا حقق مايريد ويتمنى بان يصبح مؤلفا او ممثلا او مغنيا او ذو مكانة مرموقة فى غير تلك التى كان مخططا له ان يصير عليها من قبل تللك الخطة المدرجة نقاطها وخطوطها العريضة من قبل الاهل اصبح الكل يحسده ويتقرب منه إنها الضريبة التى توجب على العظماء ان يدفعوها اما ان تسير على الدرب المرسوم لك وتعيش حياة عادية او ترسم طريقك بنفسك لتحيا الحياة التى تريد وتتمنى..............

واحد من المصريين

هو دا المصرى أقرع ومكرش
طول النهار بيتهرش

هودا المصرى أقرع ونزهى

طول النهار نكدى
إياك تبص عليه الصبحية
لتعيش فى الكابة من السنين ميه
تدخل عليه المصلحة الحكوميه
يبصلك بقرف وعنجاهيه
ومن غير مايعرف الطلب
يقولك فوت علينا بكرة يابو شنب
فيظهر ياعينى عليك العجب
يغمزك سى الاستاذ زميله
علشان تشخلل جيبك وتدليه
فتعمل فيها عم الراجل وتبرأ فى عينه
يقولك هتدفع ولا تموت وبعد كدا تجيله
ااااه يابلد عايزه ولد
بس انا رايح اجيب العيش وهتاخر سنين ياما
دا انا واقف فى الطابور من ايام بوش الى خلى الناس زهقانه
وفجأه قالولى ده الرئيس بقى مستر اوباما